Category : Poem Subject : Saghee ninakkay
Author : Radhakrishnan Kollemcode
ഓര്മ തന് ചെപ്പിലെ ഭാവനാ ദീപ്തിയെ
പൂരിതമാക്കുന്ന സുന്ദര രാഗം നീ
ആടും നടനത്തില് അമൃതിന് മഴയുമായ്
അനുരാഗ പുഷ്പം വിടര്ന്നു മെല്ലെ
അപ്സര തുല്യമാമാനനക്കോണില് നീ
അല്പമൊളിപ്പിച്ച മന്ദഹാസം
തെന്നലായ് എന്നെ തഴുകുമ്പോള് ഞാന്
ഇമ്പമാം ഗാനമായ് മാറിടുന്നു
മാന്പേട നാണിക്കും നയനങ്ങളാലെന്നെ
മാടി വിളിപ്പു നീയോമലാളെ
കണ്ണന്റെയുള്ളിലെ ഗോപികയായി നീ
എന്നുമെന്നുള്ളില് ജ്വലിച്ചു നില്ക്കും
പിന്നെ സമീരണന് എന്നെ തഴുകുമ്പോള്
പുളകമായ് നീയെന്നിലോടിയെത്തും
രക്തോല്പലങ്ങളാം നിന്നുടെ ഖണ്ഡങ്ങ-
ളെന് ചൊടി സ്പര്ശനം കൊതിച്ചിടുമ്പോള്
കവനം രചിക്കുന്ന നയനങ്ങള് കൊണ്ടു നാം
അനുരാഗ ഭാഷ്യങ്ങള് കൈമാറിടും
നീയെന്റെയുള്ളിലെ പൂര്ണേന്ദുവാകുന്നു
സൂര്യേന്ദു സംഗമമന്ത്യം കുറിക്കുന്നു
എന് ഹൃദയ മന്ദാര സൂനം നിനക്കായ് ...........
അര് പ്പിച്ചീടുന്നു ഞാന് ..... ഓമലാളേ!!!
എഴുത്തുകാരനെ കുറിച്ച് :
രാധാകൃഷ്ണന് കൊല്ലങ്കോട്
. കന്യാകുമാരി ജില്ല കേരളവുമായി അതിര്ത്തി പങ്കു വയ്ക്കുന്ന കൊല്ലങ്കോട്
എന്ന ഗ്രാമമാണ് ജന്മ ദേശം. 3 വര്ഷമായി ദുബായ് നഗരത്തില് പ്രവാസ
ജീവിതം.
രസകരമായി എഴുതി
ReplyDeleteനന്ദി....
ReplyDelete