Category : Poem Subject : Pazh janmangal
Author : Radhakrishnan Kollemcode
ജീവിതം വിധിക്ക് തീറെഴുതി...
സ്വപ്ന ഗോപുരങ്ങള് കുഴിച്ചുമൂടി..
ആദര്ശമുഖപടം അഴിച്ചു മാറ്റി
അടിമത്വ ചിന്തകള് ഏറ്റുവാങ്ങി.
കത്തി ജ്വലിക്കുന്ന സൂര്യനു കീഴിലാ-
യുരുകിയൊഴുകുമീ പാഴ് മര്ത്യജന്മം ..
അക്കരെപ്പച്ച തന് സ്വപനലോകത്തുനിന്നീ-
പച്ച യാഥാര്ത്ഥ്യത്തിന് ഉഷ്ണഭൂവില്
തുച്ഛ മൂല്യത്തിന്റെ വില്പനച്ചരക്കായ്
വലിച്ചെറിയുന്നോരീ പാഴ് മര്ത്യജന്മം
പുച്ഛ ഭാവത്തോടടുത്തുവ-
ന്നുച്ചത്തില് ഗര്ജ്ജിക്കും കറുത്ത കോട്ടും.
അടിമയെ വാങ്ങിയ ഗര്വ്വോടടിമുടി-
തെറി പ്പാട്ടു പാടുന്ന മേലാളരും ....
മോഹഭംഗത്തിന്റെ കണ്ണുനീര്ചാലുകളി-
ലചഞ്ചലമൊഴുകുന്ന മര്ത്യ ജന്മം.
അന്തിക്കു കവറോളിന്* ബന്ധനമൂരിയാല്
മറ്റൊരു നരകത്തിലേക്കു ചെല്ലാം
പത്തു പന്ത്രണ്ടുപേര് നിരയായടുക്കിയ
കുടുസു മുറിയിലെ ഭീകരത
അംബരച്ചുംബിയാം രമ്യഹര്മ്മങ്ങള് തന്
സന്തതിയാകുമീ സ്വപ്നഭൂവില്
ജീവിത വൈരുധ്യം അണപൊട്ടിയൊഴുകുന്ന
'ലേബര് ക്യാമ്പി'ലെ പാഴ് മര്ത്യ ജന്മം
* കവറോള്- തൊഴിലാളികള് ഉപയോഗിക്കുന്ന പാന്റും ഷര്ട്ടും കൂട്ടി കെട്ടിയതുപോലുള്ള ഒരു വസ്ത്രം.
എഴുത്തുകാരനെ കുറിച്ച് :
രാധാകൃഷ്ണന് കൊല്ലങ്കോട്
. കന്യാകുമാരി ജില്ല കേരളവുമായി അതിര്ത്തി പങ്കു വയ്ക്കുന്ന കൊല്ലങ്കോട്
എന്ന ഗ്രാമമാണ് ജന്മ ദേശം. 3 വര്ഷമായി ദുബായ് നഗരത്തില് പ്രവാസ
ജീവിതം.
ഉഗ്രന്.
ReplyDeleteരാധാകൃഷ്ണന്റെ കവിതകളില് എനിക്ക് ഏറ്റവും ഇഷ്ടമായത്
പ്രവാസ ജീവിതത്തിന്റെ വേദനകള് നിഴലിക്കുന്ന കവിത....
ReplyDelete@ പൊട്ടന് , മനോജ് : നന്ദി...
ReplyDeleteഈ സംരംഭത്തിന് ആശംസകൾ.
ReplyDelete