Category : Poem Subject: Nadakavedhi
Author : R.S.Unnikrishnan
ലോകമൊരു മഹാ നാടകവേദി
ലയിക്കുന്നു നാമതില്‍ നടന്മാരായി
തിരശ്ശീല വീണതു മുന്നമേ
തിരക്കിലതു കണ്ടിലാരുമേ
കാലമാണിതിന്‍ സൂത്രധാരന്‍
കാഴ്ചക്കാരായിട്ടും നാം തന്നെ
കാണ്മാനില്ലിതിന്‍ നിര്‍മാതാവിനെ
ആരെന്നുമൊട്ടും തീര്‍ച്ചയില്ല.
ആകാശമാകുമൊരു മേല്‍ക്കൂരയാലും
അലതെല്ലും ആഴിയാലും
അഴകാര്‍ന്നു വിലസുന്നതീ വേദി
വടിവായീ മെനെഞ്ഞെടുത്ത പോലേ
സൂര്യനാണീ വേദിക്ക് പ്രകാശം
സൂത്രത്തിലെത്തും ചന്ദ്രനും
സുന്ദരമാക്കാന്‍ വനങ്ങളും
സിന്ദൂരമണിയും സന്ധ്യയും
ഇഷ്ടവേഷമതുകെട്ടാന്‍ തടസമില്ലിവിടെ
കഷ്ടമാണെല്ലാവേഷവും സമം
വിശിഷ്ടമാണെല്ലാമീ വേദിയില്‍
സന്തുഷ്ടിയതുമാത്രമിവിടയില്ല
ത്യജിക്കവേണം നാമെല്ലാം
തിളക്കമാര്‍ന്നീ ദേഹവുംപട്ടാഭരണങ്ങളും
തിരകൊഴിയാതേ ചേര്‍ത്തതൊക്കയും
തിരിക്കണമെങ്ങനെ വന്നതതുപോല്‍
കാലമണിയിക്കുമൊരു കോലം കെട്ടിയാടണം
കാലമാകുമ്പോള്‍ മന്നോട് ചേരണം
കാവലേകാനാരുമില്ലാത്തൊരു പാഴ്-
കാരാഗ്രഹമാണീ നാടകവേദി.
By,
Unnikrishnan
എഴുത്തുകാരനെ കുറിച്ച് :
ആര്‍.എസ്.ഉണ്ണികൃഷ്ണന്‍. ഏഴു ദേശം പഞ്ചായത്തിലെ നിദ്രവിള എന്ന സ്ഥലമാണ് സ്വദേശം . മംഗലാപുരത്ത് ഇന്‍ഫോസിസില്‍ സീനിയര്‍ സിസ്റ്റം എഞ്ചിനിയര്‍ ആയി ജോലി ചെയ്യുന്നു.
ഉണ്ണി , നന്നായിട്ടുണ്ട്. വീണ്ടും എഴുതുക.... ഇതിലും നല്ല കവിത ഉണ്ണിയുടെ കൈവശം ഞാന്‍ കണ്ടിട്ടുണ്ട്..... അതൊക്കെ ഇവിടെ പ്രതീക്ഷിക്കുന്നു....ആശംസകള്‍.
ReplyDeleteഉണ്ണി, തരക്കേടില്ല.
ReplyDeleteഉണ്ണിയുടെ തന്നെ വീക്ഷണങ്ങളും കേട്ടറിഞ്ഞതിന്റെയും ഒരു സങ്കലനമായി. ഉണ്ണി പറയാന്‍ വന്നതില്‍ ചിലത് ഞാനപ്പനയില്‍ ഇതിനെക്കാള്‍ നന്നായി പറഞ്ഞു വച്ചിട്ടുണ്ടല്ലോ?
ഇടയ്ക്കു ചിലവരികള്‍ അസാധ്യമാണ് കേട്ടോ, അഭിനന്ദനങ്ങള്‍.
പ്രാസം പിടിക്കാന്‍ ചിലപ്പോള്‍ ഏച്ചുകെട്ടലുകള്‍ വേണ്ടിവരും. അത് ചിലയിടങ്ങളില്‍ പ്രകടമാണ്.
ഉണ്ണിക്ക് നല്ല കവിത്വമുണ്ട്. അല്പം ചെതുക്കിമിനുക്കലും, പ്രാസത്തിന്റെ കടുംപിടുത്തവും ഒക്കെ ഒഴിവാക്കിയാല്‍ കന്യാകുമാരി മലയാളികള്‍ക്ക് താങ്കള്‍ അഭിമാനമാകും.
വീണ്ടും പ്രതീക്ഷിക്കുന്നു. ഉണ്ണിയുടെ അത്ര എഴുതാനുള്ള കഴിവെനിക്കില്ല. ഒരു ആസ്വാദകന്റെ സ്വാതന്ത്ര്യം ഉപയോഗിച്ചെന്നെ ഉള്ളൂ. തെറ്റായെന്കില്‍ സദയം ക്ഷമിക്കുക.
നന്ദി
ReplyDelete